Prjón og ýmislegt annað föndur.
Í vettlingaæðinu sem heltók mig um jólin, þá vildi Lína Rut líka fá vettlinga.
Við ákváðum að það yrðu Frozenvettlingar. Hún vildi hafa þá bleika og hvíta. Vildi reyndar hafa myndir af Önnu og Elsu á þeim, en sættist að lokum á að hafa bara snjókorn.
Ég teiknaði þá upp eins og „selbuvotter“ því að ég elska þannig vettlinga. Ótrúlegt en satt, þá vill hún nota vettlingana og fer með þá í skólann á hverjum degi.
Tók eftir því um daginn að það er alveg að koma gat á gömlu vettlingana mína. Að sjálfsögðu var ekkert annað að gera en að henda í nýja vettlinga.
Fann hérna mynd af vettlingum sem ég gerði upphaflega handa mér, en fannst þeir svo í minni kantinum. Mamma mín er með svo nettar hendur og smellpassaði í þá og auðvitað fékk hún þá. Finnst rosalega gaman að prjóna svona munstraða vettlinga.
Já svei mér…
Komið árið 2011 og ég þykist ætla að byrja aftur að blogga um handavinnuna mína.
Ég gerði nú alveg þónokkuð á síðasta ári og hérna koma nokkrar myndir af því.
