Prjón og ýmislegt annað föndur.
Þetta sjal er í algeru uppáhaldi. Kláraði það í janúar minnir mig og hef notað það mjög mikið.
Það heitir Bark Lines og er eftir Joji Locatelli. Það er einfalt, látlaust og yndislegt.
Ég notaði garn frá Martin’s Lab; Tibetan Singles. Þetta garn er draumur í dós. Létt og mýkra en allt sem mjúkt er! Það er ca 160 gr.
Ég heillaðist af lævirkjahekli strax og ég sá það. Finnst það alveg ótrúlega fallegt, en um leið mjög auðvelt að hekla. Það er pínu retro stíll á því. Ég hef aðallega séð þetta notað í teppi, og hef ég sjálf gert teppi með þessu hekli.
En, mig langaði að gera eitthvað annað. Ég átti garn sem ég keypti í fyrrasumar frá Textílgarni. Blanda af ull og silki. Elska garnið frá Textílgarni og á meira af því hér heima.
Mér datt í hug að prufa að gera hringtrefil með lævirkjaheklinu. Mér finnst þetta koma bara mjög vel út og er ég mjög ánægð með útkomuna.
Var beðin um að prjóna húfu.
Hún átti að vera með köðlum og lafa pínu að aftan.
GlóGlóKnits 